Un total de 120 rapaces/as gozaron da Xira 2015 de Imdecum no mes de xullo, cos clínics deportivos da Fonsagrada, Burela e Cangas del Narcea, baixo a coordinación do secretario técnico de CD Burela FS Pescados Rubén, Juanma Marrube.

Un total de 30 alumnos estrearon hoxe a terceira edición do Campus de Fútbol Base Máis que Fútbol no complexo deportivo da Marosa, en Burela. A iniciativa, organizada pola Fundación Imdecum e coa colaboración de AFD Porto de Burela e o Concello de Burela, tamén conta co apoio do CD Burela FS Pescados Rubén e Gadis.

Imdecum presentou esta mañá a terceira edición do Campus de Fútbol Base ‘Máis que Fútbol’ de Burela. O complexo deportivo da Marosa, escenario do clínic entre o 13 e o 18 de xullo, acolleu o acto; xunto ao presidente da Fundación, Marcelino Luna, e o coordinador do campus, Juanma Marrube, tamén participaron, como colaboradores na organización da cita futbolística, o directivo da AFD Porto de Burela, Alberto Rega Río, e o alcalde de Burela, Alfredo Llano, ademais do edil Ramiro Fernández.